geskryf deur Christo Scriven

Hoërskool DF Malherbe se leerders het verlede week, onder die leiding van die Verteenwoordigende Raad van Leerders, 30 inheemse bome aangeplant. Dit is in die plek van die uitheemse bloekombome wat verlede jaar afgekap is.

Die leerders het geld ingesamel om die bome aan te koop. Elke klas het hul eie boom geplant en die leerders gaan ook, tot die einde van die skooljaar, verantwoordelik wees vir die natmaak van die bome.

'n Oudleerder, Bennie de Klerk, het gesorg dat die gate gemaak word. Hy was ook verantwoordelik vir die bemesting en die stut van die nuwe bome.

DF Malherbe is voorwaar trots op dié nuwe geslag inheemse bome.