Geagte ouer(s)/voog(de)

GELUKWENSINGE

Hartlik geluk aan die volgende Malherbiete en hul ouers:

Toneelspelkompetisie:

Emma Kotze en Amari Annandale is gekies om aan die finale rondtes van die Stad Kaapstad Toneelspelkompetisie vir Hoërskool-leerders deel te neem. Dis ‘n puik prestasie, want 558 deelnemers het aan die uitdunrondtes deelgeneem. Diefinale rondtes vind vanaf 21 tot 23 Mei by die Kunstekaap Teater in Kaapstad plaas.

Skole-skeidsregter:

Coenie van den Heever blaas in die Oos-Kaap tweede liga seniorrugbyspanne en in skolerugby-wedstryde. Hy is een van slegs twee skole-skeidsregters.

Karate:

Jannie Joubert het aan die KSA (Karate Suid-Afrika) Nasionale Kampioenskappe in Durban deelgeneem. Hy het in die kata-afdeling ‘n silwer medalje ontvang en in die Kumite ‘n goue.

Seunshokkie:

Leo Hulsman het deurgedring tot die finale rondte vir die o/18 OP Proewe.

Noodhulp:

Die volgende leerders het hul noodhulpeksamen geslaag: Michelle Slabbert, Lirene du Toit, Bianca Liebenberg, Maré Grobler, Wendy Rowan en Cindy Rademeyer.

Fietsry kampioenskappe:

Marinus en Karel Prinsloo het aan die OP Fietsry Kampioenskappe in Port Elizabeth deelgeneem.

RUGBYTOER:

DF se o/14 en 0/15-span het aan die Nashua Rugbytoernooi vir Juniors in George deelgeneem. Groot skole soos Affies, Monument, Waterkloof, Paarl Gimnasium, Paarl Boys’ High, HTS Middelburg en nog vele meer het aan die toernooi deelgeneem. Die meeste van die deelnemende skole het ver oor ’n 1 000 leerders in die skool, so DF kan baie trots voel op hul vertonings. DF het hul wedstryde verloor. Die uitslae was:

RUGBY	DF Malan	Diamantveld	Centurion	Brackenfell	Bellville
o/14	verloor 5-12	verloor 12-17	verloor 12-17
o/15	verloor 0-17			verloor 12-45	verloor 12-24

RUGBY:

NETBAL:

Die o/16A netbalspan het aan ‘n toernooi deelgeneem te Framesby. Ander skole wat deelgeneem het was Linkside, Pearson, Brandwag, Framesby en Nico Malan. DF het in die tweede plek geëindig.

MUURBAL:

DOGTERSHOKKIE:

SEUNSHOKKIE:

DEBAT:

Die Junior span bestaan uit Marizanne Pienaar, Christene du Toit en Toschka Bernardo het deurgedring na die volgende rondte. Hulle sal op 22 Mei die Oos-Kaap in ‘n interprovinsiale debatskompetisie teen die Suid– en Wes-Kaap in Wellington verteenwoordig.

MTN—MINI-YSTERMANKOMPETISIE:

SKOLESPAN: Die span bestaande uit Maryna Slabbert, Marinus Prinsloo en Bennie Bellingan het die kompetisie in 60 min 35 sek voltooi. Hulle het vierde geëindig. (Die ander drie spanne het net uit seuns bestaan.)

SKOLE VROUESPAN: Die span bestaande uit Zuandré Willemse (Gr 8), Aleesha Gerber(Gr 10) en Juf. Carstens het derde geëindig.

LANDLOOP:

Eerste liga-byeenkoms (Otto du Plessis). o/14 Seuns: Johannes Senekal
1ste en Corné Labuschagne 3de. Seuns o/17: Bennie Bellingan - 2de plek (hy doen die
6.19 km in ‘n gemiddelde tyd van 3:34 per kilometer). Dogters o/16: Nikki de Ridder -
3de en Marolene Gouws - 4de. Dogters o/17: Meake Brown 4de.

BRANDERPLANK:

Carl Barnard het deelgeneem aan die SA Grommet Branderry
Kampioenskappe by Pollock Strand in Port Elizabeth. Carl se OP Span het die Beste
Span Trofee gewen. Carl het die 4de plek behaal in die “Paddle Battle” en 2de in die
finaal seuns o/16 Individuele Branderry Kompetisie.

PADWEDLOOP:

Nikki de Ridder het deelgeneem aan die Anibrand Fees 5km. Sy was
derde onder die meisies met ‘n tyd van 24min 19 sek. Sy het ook aan die Spar Ladies
Race 5km deelgeneem met ‘n tyd van 24 min 39sek.

Mev Verenigde Nasies 2008 kom na Port Elizabeth om met dogters te gesels oor wat die impak is om vroeg
seksueel aktief te wees en hoe om die emosionele druk te hanteer.

Dr Venter wil graag die Saterdag met die ma’s praat en ons beplan ‘n vrouetee op 25 Julie – by “La Coline”
09:00. Kaartjies R80 elk. DFM kry alle winste.

Die nuwe lokaal “La Coline” in Montmedyweg 151, Theescombe word die oggend gratis aan ons gegee.

Kontak persone vir kaartjies :
U klasverteenwoordiger, of
die skoolkantoor, of
René 083 3744310
of Marisa 082 4936258

Om saam te val met ons sportnaweek teen Gill is daar ‘n ander “eerste”. Die Hervormde Kerk gaan
naamlik op Vrydag 29 en Saterdag 30 Mei ons terrein huur vir hulle makietie - ’n basaar soos DF glo
nog nie gesien het nie. Die reëling is dat hulle vir ons OOV die bedrag betaal wat ons reken ons sou
kon insamel as ons die Saterdag kermis sou hou. Ons kry m.a.w. ‘n inkomste met geen moeite vir ons
hardwerkende OOV nie. Ons maak dus staat op u ondersteuning - hulle gaan bv. die Vrydagaand
potjiekos verkoop, ‘n boeredans hou en die Saterdag sal daar ‘n groot verskeidenheid stalletjies wees.
U kan die kerkkantoor skakel (041 3636175) vir potjiekos- en danskaartjies, en daar sal waarskynlik
ook by die skool kaartjies beskikbaar wees. Ondersteun hulle asseblief — hulle ondersteun ons!!!

Ons is ook gevra om u in kennis te stel van die Vereniging vir Serebraal Gestremdes
se kermis ten bate van Hoërskool Kaap Recife. Dit word gehou op 30 Mei. Daar is
‘n 5km pretdraf, honde-vertoning, helekopter-ritte, ens. En daar is ook ‘n lootjieskompetisie
(R5.00 kaartjies) met groot pryse wat gewen kan word.

Saam hiermee kry u ook ‘n kennisgewing oor ons Gedenkweek Ons hou dit so na
moontlik aan die verjaardag van prof. dr. DF Malherbe om hom te huldig, en om
ons liefde vir Afrikaans op te skerp. Die leerders se eenbedrywe is altyd iets
besonders, ons was bevoorreg om ‘n kleinseun van prof. Malherbe te kry vir die
Gedenklesing, en Coenie de Villiers bly ‘n baie gewilde kabaret-kunstenaar.
Dié week is jaarliks ‘n hoogtepunt op ons kalender, en ons wil u uitnooi om dit te
ondersteun. Dankie ook aan die OOV en leerders wat reeds baie hard hiermee
gewerk het!

Mnr Coetzee het aan die einde van verlede kwartaal bedank, en mev A Jonker is in sy
plek aangestel.
Een van ons werkers, Josephine Stofile, het afgetree na 28 jaar by DF. In haar plek is nog
nie ‘n aanstelling gemaak nie - me Maranda Lose help tydelik uit.
Baie dankie aan dié twee personeellede vir dit wat hulle hier by DF gedoen het!

Ons fondse staan op R232.43 vir die maand teenoor verlede maand se R153.19.
Ons wil dankie sê aan al die ouers wat hierdie projek moeiteloos ondersteun.

In die week van die 11de tot 15de Mei sal daar vanaf 07:30—15:30 ‘ n boekeuitstalling
in die Biblioteek wees. Dit vorm deel van die lees-veldtog, en val saam met
ons Gedenkweek. Leerders gaan ook die geleentheid kry om karakters uit
voorgeskrewe boeke voor te stel. Kom besigtig gerus en maak.

Die vereistes vir Akademiese ere– en merietekleure is hersien en deur die Beheerliggaam
goedgekeur. Ingesluit die hersiene dokument vir u aandag.
Dwelms: Die Beheerliggaam het ook besluit om van tyd tot tyd leerders - op ‘n lukrake wyse
gekies - te laat toets vir die gebruik van dwelmmiddels. Indien u hiermee ‘n probleem het, moet
u asseblief u besware vóór 25 Mei 2009 skriftelik indien. U skrywe sal vertroulik hanteer word.

Baie dankie aan die groot aantal ouers, oupas, oumas, ooms, tannies ... wat die
VCSV basaar ondersteun het. Dankie vir u donasies en u baie harde werk — dit
was ‘n groot sukses en ‘n rekord-bedrag van by die R14 000 is ingesamel. Dankie
— u is sterre!! Ons groot dank gaan laastens ook aan ons Hemelse Vader deur wie
ons so geseën is.

Die lewe word nie gemeet aan hoeveel keer ons asemhaal nie, maar hoeveel keer
ons asem weggeslaan word.

Dankie vir u aandag!
Vriendelike groete


P. HAUMAN
SKOOLHOOF