---

DF seunshokkie is vinnig besig om naam te maak en is besig om 'n krag te word waarmee rekening gehou moet word.
Twee spanne het hierdie jaar in die tweede liga meegeding, 'n o/16 en 'n o/18 span.

Sewe en twintig entoesiastiese seuns het hierdie jaar hulle stokke opgeneem om DF se naam hoog te hou teen goeie opponente soos VP, Grey, Westering en Framesby.

DF maak van buiteafrigters gebruik. Die afgelope twee jaar het Bruce Perry en Adriaan Marais gehelp om die seuns die nodige dissiplines te laat bemeester.

Een van die hoogtepunte was toe die eerstespan hulle nuwe Cantebury-hemde ontvang het.

Aan talent is daar geen tekort nie en daar word met verwagting uitgesien na 'n goeie 2007-seisoen.