---

Die Kabaretgroepie, "Silhouette", is in 2000 o.l.v. Chrizelle Landman gestig.  Die groepie bestaan uit ongeveer 15 lede en sing ligte Afrikaanse en Engelse liedjies.  Hulle klank word professioneel gedoen en 'n choreograaf help met die vertolking van liedjies en danspassies.

Hulle tree op by funksies, damestees en ander geleenthede.  Hulle het onder andere al 'n voorprogram gedoen vir kunstenaars soos Valiant Swart, Lize Beekman, Disselblom, Richard van der Westhuizen en Lochner de Kock, Coenie de Villiers, Anna Davel, Amanda Strydom en vele ander Afrikaanse kunstenaars.