Malherbiet

Die Malherbiet is Hoërskool D. F. Malherbe se digitale kwartaalikse tydskrif. Die tydskrif is al deur Media 24 as die beste en naasbeste skooltydskrif aangewys.

‘n Redaksie van 35 leerders is verantwoordelik vir die beplanning, skryf van artikels, neem van foto’s, werf van advertensies en die uitleg.

‘n Werkswinkel wat oor twee dae strek word aan die begin van die jaar gehou. Hiertydens vind opleiding plaas.

Verskeie fondsinsamelings word deur die loop van die jaar gehou om die drukkoste te dek.  Op Valentynsdag betaal leerders om gewone klere skool toe te dra. Die Valentynsbal is altyd ‘n hoogtepunt in die Malherbiete se jaar.

Die Winterdans sorg ook vir baie pret.

Leerders leer nie net skryf of foto’s neem nie, maar ook beplanning, organisasie, verantwoordelikheid, spanwerk en werk onder druk.